Kukësi është një nga ekipet surprizë të këtij sezoni, një skuadër e formuar totalisht nga e para por që luan një futboll të bukur dhe mbi të gjitha ofensiv. Me 7 pikë në 2 javët e para, verilindorët i kanë bërë një nisje të mirë sezonit por kurrsesi nuk dëshirojnë të ndalen këtu. Arkitekti i këtij ekipi është një ish i famshëm, një ish “bomber” si Pero Pejiç.
Sulmuesi korat është rikthyer në ish klubin e tij, këtë herë në rolin e drejtorit sportiv me një synim të qartë, të rikthej Kukësin tek titulli kampion. Në një rrëfim ekskluziv për emisionin “Sport News” në News24 dhënë moderatores Enxhi Biba, Pejiç foli për këtë projekt, punën e bërë nga ai dhe trajneri Longo. Pero preku dhe shumë tema të tjera, nga favoritët e këtij edicioni, çfarë ka ndryshuar në futbollin shqiptar dhe pse nuk ka më bombera si ai në qarkulli. Pejiç u kthye dhe pak pas në kohë duke kujtuar atë sfidë me Sheriff Tiraspol, skuadër që pak ditë më parë mposhti Real Madrid.
